Олунньу 13 күнэ – Ийэ
тыл, сурук-бичик күнэ. Төрөөбүт тыл күнүн биhиги Республикабытыгар 1996 сыллаахтан Саха Республикатын призиденын олунньу 9 күннээҕи «Төрөөбүт тыл уонна сурук-бичик күнүн» биллэрэр туҺунан ыйааҕар сөп түбэҺиннэрэн сыллата бэлиэтиибит.
Бу күн аан бастаан сахабыт тылын чинчийэн үөрэппит ученай-лингвист, саха суругун-бичигин түсчүтэ Семен Андреевич Новгородов төрөөбүт күнүн ахтан-санаан ааҺабыт. Кини олоҕо, үөрэҕэ, үлэтэ уҺулуччу саха тыла сайдарыгар быҺаччы суолталаах үтүөтэ хаҺан да умнуллубат.
Кыыллаах орто оскуолатын учуутталлара уонна үлэҺиттэрэ олунньу 13 күнүгэр Саха Республикатын төрөөбүт тыл декадатыгар аналлаах анал телепрограмма биэриитигэр кыттан диктант суруйдубут. Ƴлэбитин саха тылын үөрэтэр учуутал Айталина Аркадьевна Банчина уонна билигин сынньалаҥҥа олорор Августина Саввична Корнилова бэрэбиэркэлээтилэр. Бу суруйуубутун олохтоох дьаҺалта баҺылыга Александра Иннокентьевна Сильвестрова сэҥээрэн, өйөөн атын тэрилтэлэр истэригэр ыытарбытын көҕүлээтэ.
Ити курдук төрөөбүт тыл, сурук-бичик күнүгэр оскуола иhинэн араас анал тэрээhиннэр ыытылыннылар. 2014 сылга оскуола уонна олохтоох библиотекалар «Дьиэ кэргэнинэн ааҕыы» күрэҕи биллэрбиттэрэ. Ол чэрчитинэн 6 кылаас үөрэнээччилэригэр анаан бу күн Эльвира Борисовна Корнилова сиэнинээн Айталы-Куо Корниловалыын (6 кылаас үөрэнээччитэ) «П.А. Ойуунускай – саха норуотун чулуу уола» диэн теманан бэлэмнэнэн кытыннылар. П.А. Ойуунускай олоҕун сырдаттылар, оҥорбут хаhыаттарын билиhиннэрдилэр, «Өрүөл кэриэhэ» хоhоону дорҕоонноохтук аахтылар. Корниловтар дьиэ кэргэттэрэ кинигэни таптаан ааҕалларын иhин, «Дьиэ кэргэнинэн ааҕыы» күрэххэ аан бастакынан саҕалаан кыттыбыттарын бэлиэтээн, эҕэрдэлээн туран оскуола аатыттан Кыыллаах оскуолата 150 сылыгар ананан тахсыбыт «Оҕо саас кыhата, кэскилим биhигэ» диэн кинигэни бэлэх ыллылар. Салҕыы бу күн орто сүҺүөх оскуола оҕолоругар «Ийэ тылга» аналлаах уруоктары библиотека үлэhиттэрэ ыыттылар. «Тыл баар – бараммат баай» диэн кинигэ быыстапката тэрилиннэ; «Тыл оонньуута» викториналар, оонньуулар ыытылыннылар; үөрэнээччилэр хоhоон аахтылар.
Сайдыы тыына буолбут сахабыт тыла, саха народнай поэта Күннүк Уурастыырап эппитинии: «Биhиги Ийэ тылбыт -…, дууhаны долгутар, өйү үлүҺүтэр күүстээх, кыахтаах, имэҥнээх-илбистээх кэрэ дьикти тыл!»
Контакты
Наш адрес: 678100, РС (Я), Олекминский район,
г. Олекминск, ул. Молодежная, д. 10
Тел/факс: 8 (41138) 3-14-44
E-mail: mkuuoor@mail.ru
Анонсы